الاثنين، 27 فبراير 2012

أسئلة غبية


من يوم التنحي لحد النهاردة فات سنة و 17 يوم:

-         ما كانش ينفع بدل الاستفتاء على التعديلات الدستورية كنا عملنا إنتخابات لاختيار لجنة كتابة الدستور؟

-        و كان يتم الاستفتاء على المواد دي مادة مادة من وقتها لدلوقتي؟ أعتقد كان زماننا خلصناهم.

-        ما كانش ينفع نعين مجلس رئاسي مؤقت لحد ما ننتهي من كتابة الدستور بدل حكم المجلس الأعلى للقوات المسلحة؟

-        طيب بلاش الكلام الكبير ده .. ليه من يوم التنحي لحد النهاردة الشوارع حالها بيزيد سوءا ؟ ليه الزبالة ملت الشوارع؟ ليه  بتغلا؟

-        طيب بلاش كل ده برضه .. ليه الهوا اللي اتنفسناه يوم 11 فبراير الصبح و ملينا بيه صدورنا و فرحنا بيه و كان السبب في تحول سلوكيات كتير مننا للأفضل رجع تاني زي الهوا أيام مبارك .. مليان هم و قلق و سلوكياتنا رجعت أسوأ من الأول
لو فكرنا شوية هنعرف إن دي النتيجة الطبيعية إننا سلمنا السلطة لنسخة تانية من مبارك من غير ما نعرف خلفياته و لا مخططاته .